Mauro Sbuttoni – Storie

MAURO SBUTTONI esce con il suo nuovo lavoro, un album intitolato “STORIE”.

È un disco con 12 brani per metà cantati in dialetto piacentino e per metà in italiano e gioca con i registri della memoria e della nostalgia, raccontando appunto le “STORIE”. Storie di vita e di personaggi comuni che si confrontano con le vicissitudini della vita quotidiana. Il tutto in un viaggio musicale che attraversa e fonde insieme vari generi musicali, dal folk al funky al pop, in maniera uniforme e compatta.

 

Scopri altra musica

 

 

 

Testo – Mauro Sbuttoni – Joseph

Sön andä in lett
për sërcä da fä un sugnin
ma ho sugnä dël brutt
e allura zù un Aulin

Po’ ‘m sön dasdä…
Oh che dulur…
E ho decis d’andä
dal me duttur.

“E il dottore
mi ha visitato
con sospetto
poi mi ha detto…

«Giovanotto,
una supposta
e una pastiglietta
e il dolore passerà!»

Me a g’ho ‘d bisogn dël mär për ripusäm
Me a g’ho ‘d bisogn dël mär për ripusäm

È passato qualche giorno
ma la supposta niente effetto,
dopo due notti senza dormire
son tornato dal mio dottore.

Lui tranquillo ma un po’ seccato,
la supposta mi ha raddoppiato,
più quattro giorni di riposo
senza muovermi dal letto.

Me a g’ho ‘d bisogn dël mär për ripusäm
Me a g’ho ‘d bisogn dël mär për ripusäm

Quattro giorni erano pochi
per poter andare al mare,
così ho deciso di farmi visitare
da un professor in ospedale

Una visitina, poi mi ha prescritto
due settimane per riposare…
Al me duttur a t’ho fërgä!
E me pr’adèss ‘n vagh mia
a laurä!

Me a g’ho ‘d bisogn dël mär për ripusäm
Me a g’ho ‘d bisogn dël mär për ripusäm

Si, fëin ‘c la düra la sfrüttarù!
Si, fëin ‘c la düra la sfrüttarù!

Testo – Mauro Sbuttoni – ‘L Lott

Da ‘l vot ‘s disa andä a zügä ‘l lott
e ‘dvintä siur tütt in d’un bott.
Ott e vëintöin, dërsètt e quaranta
e për la cinquina, a fum l’uttantott.

L’era sëimpar un turmëint chë ‘m perseguitäva,
il pariva un incüb tütt il vot chë ‘m dasdäva.
A saltäva in sa ‘l lett con i cavì dritt in testa
ma ‘n gh’era mäi gnint da fä… a‘m s’era zà dasmingä!

Ho prüé dal tütt par cercä ‘d ricurdäm
Ho miss fein una lavagna in fond al cantarë
e una bèla matëina a guärd in s’la Libarté
la me béla cinquina. Ciapa lé, l’ho baché!

Finalmëint ‘g l’ho fatta e ‘m sëint propria un siur,
una Feräri fiamanta e una vilötta in sal läg,
tütt ‘l nott una ciucca, bèlla gint e bèll donn
“e caviale e champagne” sëinza mäi pinsä a‘dman.

Sfilate di moda e ricevimenti.
Ho molti amici sempre tutti contenti.
Una vita da sogno, e di più non si può,
e per finire, stasera vi invito tutti al casinò.

I parivan abotta i pacc ‘d milion
ma dopa quelc’ann a sum quäsi in gatton.
‘N g’ho pö gnan un amis ‘n ma serca pö ‘nsöin,
‘m cala appena chë serca un sussidi ‘l cumöin.

Testo – Mauro Sbuttoni – ‘L Trebbia

Al nassa in sill muntàgn, dop Ôttòn,
la sgüia in mezz i sass, tant ‘cme un bissön.
Al sa möva disinvolt, côn discreziön,
in mezz a bosch, sass e rivaiôn…
Lü, quand l’e in pina, a l’e un Trëbbiön…
Al sa strüsa e al vusa, in di macciön.
Al möva di gran sass, al porta zù dëll tütt…
A l’e fort e viv… e un gran fracassön.

A l’e ciär ‘cme ‘l vedar, a l’e spècc’ ‘d la gint
e con i ragg’ ‘d la löina al pär d’argint.

A gh’e di pëscadur, ‘stamattëin…
La canna, la pastüra e al balanzëin…
E di ragazz chë zöga a tirä i sass,
‘cse e scappä tütt i pêss i me ragazz.
E intant, pian pian, da un paes a un ätar,
s’al catta un slärgh, al rallëinta un po’,
pär chë ‘l vöbbia ripôsäs dal so fadigh,
e c’al gabbia fëin quälcosa da digh.

A l’e ciär ‘cme ‘l vedar, a l’e spècc’ ‘d la gint
e con i ragg’ ‘d la löina al pär d’argint.

Te ‘t support dël tütt, al me piccin,
ad sabat e duminca a gh’e un mär ‘d gint…
It lassan zu dël tütt, sëinza rispètt..
Buttelli, scatulön e tütt al rèst…
E intant, pian pian, la sgüia zu…
Bobbi, i Prëin, Träv, fëin al Vërgär…
Al passa Rivälta, Ôsslëingh, San Nicôlò…
E quäsi sëinza forza ‘l sa trà in Po.

Ma te ‘t se sëimpar bèll, al me piccin,
e con i ragg’ ‘d la löina ‘t pär d’argint.

Testo – Mauro Sbuttoni – La Teresa

A gh’è un gran farmeint
in tüta la citä
A gh’è dal muimeint
incö a l’è dé ad marcä.

Ancà la Teresa
la g’ha al so da fä
L’ha fatt sunä la sveglia
ma atsöin a s’è dasdä.

Paulein al piccinein
a l’è al solit fürbein
Chi sa cus l’ha invintä
pra stä in lett ista mattein.

Al prim a l’è un po’ fighetu
al fa l’infurmatur
Fra lampad e prufüm
al pär un indusatur

Ahiahiahiahi…Teresa
Ahiahiahiahi…Teresa

A gh’è vurì quäsi un’ura
par sistemä la trüpa
Al teimp d’un café
cun quälca biscutein.

Adès finalmeint
la nosa Teresa
la pö preparäs
pr’andä föra a fä la spesa.
La dà un’uciä in dal specc’
Oh! Cära al mé Signur
Am sa che ista matteina
ag vö un restauradur.

Tira, molla, molla, tira
una bela man ad pitüra
tira sö l’impalcadüra
a zé farò la me figüra.

Ahiahiahiahi…Teresa
Ahiahiahiahi…Teresa

E la Teresa
tüta prufümé
zù pri Strä ‘Lvä
la riva in sal marcä

Fra banch e marcatein
a gh’è un gran casein
Vüna ac pröva una vestaglia
l’ätra in mez’a la terraglia

Una dona la vö al scöint
parché agh basta mia i sod
Fra sbürlon e gumtä
a l’è süta al vescuvä

Dop tüt al sö dafé
dein i tach in d’un tumbein
e pr’andä mia tütta soppa
dein i scärp in dla bursëtta

Ahiahiahiahi…Teresa
Ahiahiahiahi…Teresa

O pora Teresa
a t’è finì gnan la spesa
A t’è tratt via una mattëina
e gh’è da fä ancüra la cüsëina

Pülì la galeina
una béla amnastrëina
la fritä cüi bavaròn
o un bòn amnaströn

E pò guärda mia in dal specc’
pr’avìg gnan un difét
täcm’è chìl donn
ad la television

Te t’è una dona vera
tütt’acqua e savon
c’ma ziva i nos vécc
una donna cui cuion
una donna cui cuion

Ahiahiahiahi…Teresa
Ahiahiahiahi…Teresa
Ahiahiahiahi…Teresa
Ahiahiahiahi…TERESA

Testo – Mauro Sbuttoni – Un Bell Regal

A g’äva una gran vöia d’andä a pëscä.
A g’era zà tütt prönt,‘m s’era attrezzä.
La canna e la pastüra cön al balansëin.
A g’ävma da truäs anca ‘stamattëin,
Café côn la brios, un’ ôcciä a la Libërtä,
a sum propria sicür ‘c la sarà una gran giurnä!
Ma riva al Bafo cön la Bionda
e po’ al Lambert tütt agitä…
Ma iv mia savi cus’e success?…
A s’e rutt i rübinëtt d’un deposit ‘d petroli.
Una smacchia tütta negra ch’e ‘dre rivä,
a l’e propria un bèll regàl, inaspettä!
Prima la M.A.P., dop al nostar pont
Oh…che disastar al me signor.
E intant al Po al cambia i so culur
e inveci di prufüm a sintarum di gran udur.
Quand s’erma giùan c’andävma a nudä,
a l’era al nos mär, al mär ‘d la sittä.
Bèlla e frêsca e trasparëinta.
Cus ‘n n’um buì pr’imparä a nudä.
Pr’andä in ‘s l’isulott a gh’era da ‘spettä
tütt in fila e sëiza vuzä.
Angüri e mlön, vècc’ cön i ‘umbralön.
Mamm e ragazz, cön al giàss e i balön.
Po’, finalmëint, a riva al barcön…
«Sö, dëintar tütt…» a l’era piin immürä…
Al fäva fadiga a travërsä.
E së gh’era mia ‘d post, ‘t g’äva da nudä…
Adèss basta cön i ricord!
L’occ’un po’ lüstar e sëinza parlä,
mola al balansëin.
Andum da la tatona a mangiä un crustëin
e un bon biccer ‘d vëin!